2022 оны бүс болон улсын аварга шалгаруулах тэмцээнд оролцох тамирчдыг сонгон шалгаруулах тэмцээнийг 2022 оны 03 сарын 19-нд Биеийн тамир спортын газрын спорт зааланд амжилттай зохион байгуулав.
Тэмцээний
нээлтийн ажиллагаанд:
Аймгийн Засаг даргйн орлогч Б.Анхбаяр, Аймгийн жүдо бөхийн тэргүүн Д.Сүрэнжав, Монгол улсын жүдо бөхийн гавъяат тамирчин О.Ууганбаатар, паражүдо бөхийн ахлах дасгалжуулагч Нарантуяа. Залуучуудын шигшээ багийн тамирчин Болор-очир,
Аймгийн Жүдо бөхийн тэргүүлэгч Г.Жамбаасүрэн, З.Олонбаатар, Батбаатар зэрэг албаны хүмүүс оролцсон. Тэмцээнийг Монгол жүдо бөхийн олон улсын шүүгч Сүхчулуун, Улсын шүүгч Одханд, Саранзаяа нар шүүж явуулав.
Тэмцээн нь өсвөрийн 3 насны ангилалаар 14 жинд 110 гаруй тамирчид оролцож багийн нэгдсэн дүнгээр Говьсүмбэр аймгийн Биеийн тамир, спортын газрын баг тамирчид, 2-р байранд Дорноговь аймгийн баг тамирчид, 3-р байранд Шивээ-Овоо ХК-ны Хаялга спорт клубын багш тамирчид оров. Эхний 4-р байранд орсон тамирчид, зүүн бүсийн аварга шалгаруулах тэмцээнд оролцоно. Тэмцээний хаалтын ажиллагаанд Гавъяат тамирчин О.Ууганбаатар өсвөрийн шилдэг 6 тамирчинд тус бүрт 500,0 мян төгрөгийн дэмжлэг үзүүлсэн.
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.